Sefydliad Siôn Mullane Cymru'r Gyfraith

Cymru'r Gyfraith a LEDLET yn ymuno â Sefydliad Siôn Mullane

Mae Sefydliad Siôn Mullane wedi cadarnhau y bydd yn rhoi cymorth ariannol i Gynllun Haf Myfyrwyr Ysgol LEDLET-Cymru’r Gyfraith yn 2022. Weledigaeth y Sefydliad yw galluogi pobl ifanc o bob cefndir i deimlo eu bod wedi'u hysbrydoli a'u grymuso i gyflawni eu potensial a gweithio gydag ysgolion a sefydliadau yng Nghymru i ddarparu cymorth ar gyfer mentrau sy'n hyrwyddo addysg a symudedd cymdeithasol pobl ifanc. Daw'r gefnogaeth hon yn dilyn cyhoeddiad Huw Williams, cadeirydd Cymru'r Gyfraith, yng Nghynhadledd Cymru'r Gyfraith 2021 fod trafodaethau ar y gweill rhwng Cymru'r Gyfraith a'r Sefydliad. Yn ei sylwadau i’r Gynhadledd dywedodd Huw: "Cafodd Siôn Mullane ei fagu yng Nghaerdydd ac ar ôl Ysgol Gyfun Radur – lle cafodd ei nodi fel dadleuwr a'i ddawn ar y cae rygbi, a Choleg Prifysgol Llundain – lle bu'n astudio economeg, dechreuodd ar yrfa fancio addawol cyn ei farwolaeth drasig yn 27 oed ym mis Mehefin 2020. Mae partner Siôn, ei deulu a'i gylch eang iawn o ffrindiau bellach wedi sefydlu'r Sefydliad er cof am Siôn i helpu pobl ifanc o bob cefndir i deimlo eu bod wedi'u hysbrydoli a'u grymuso i gyflawni eu potensial – nodau a fyddai wedi bod yn agos at galon Sion. Mae Cymru'r Gyfraith a LEDLET yn cael eu hanrhydeddu felly bod y Sefydliad o'r farn mai'r Cynllun Haf yw un o'r mentrau cyntaf a nodwyd fel un sy'n cyfateb i'r weledigaeth hon." Croesawodd Lucy Van Amerongen, cadeirydd Sefydliad Siôn Mullane y cysylltiad â Chymru'r Gyfraith a LEDLET gan ddweud: "Roedd yn amlwg cyn gynted ag y cawsom ein cyflwyno i Gynllun Haf LEDLET-Cymru’r Gyfraith fod ei nodau'n cyd-fynd yn llwyr â gweledigaeth Sefydliad Siôn Mullane o ysbrydoli pobl ifanc i gyflawni eu potensial. Edrychwn ymlaen at godi arian i helpu Cymru'r Gyfraith a LEDLET i ddatblygu'r fenter ragorol hon ymhellach." Croesawodd Thomas Jones, trysorydd LEDLET, y cydweithio gan nodi hefyd: "Rwy'n falch iawn y bydd Sefydliad Siôn Mullane, Cymru'r Gyfraith a LEDLET yn cydweithio i hyrwyddo ein nodau cyson. Mae'n sylfaen ysbrydoledig ac yn un y mae LEDLET yn falch o fod yn gysylltiedig â hi". Mae rhagor o wybodaeth am Sefydliad Siôn Mullane ar gael yn www.sionmullanefoundation.com